General Santos City – Si Colonel Claremont W. Pinpin, ang bag-ong Task Force Gensan Commander, nihimo og courtesy call o pakigtagbo ngadto kang Gensan City Mayor Lorelie Geronimo Pacquiao.
Kini aron ipaabot ang iyang tuyo nga matinud-anon nga moserbisyo ug mahatagan og proteksyon ang mga molupyo sa dakbayan.
Ilang gituki ang mga lakang aron mapadayon ang kahapsay ug kalinaw sa dakbayan sa General Santos.
Atol sa maong panagtagbo, gipadayag ni Mayor Pacquiao ang iyang hingpit nga suporta sa bag-ong pamunoan sa Task Force Gensan ug gipasalig ang kooperasyon sa lokal nga kagamhanan aron makab-ot ang mas lig-on nga seguridad sa komunidad.
Matod sa Alkalde importante ang kooperasyon sa tanang sektor aron mapalambo ang kaluwasan sa katawhan sa General Santos City. (Rem Agdon)
News&Photos: CMO