Dakpan ang usa ka 45 anyos nga wanted person sa gikasa nga joint law enforcement operation sa mga personahe sa kapulisan mga alas 4:45 ang takna sa kahapunon, niadtong Nobyembre 19,2025 didto sa Sitio Dapdap, Brgy.South Poblacion Polanco, Zambonga del Norte.
Ang dinakpan nga wanted person naila nga si alyas “Fred” 45 anyos,Lalaki, ulitawo nga adunay live-in partner, usa ka PCA Pollinator, ug residente sa nasangpit nga lugar kinsa gidakop pinaagi sa mga personahe sa Tracker Team sa Polanco MPS (Lead Unit), uban sa 3rd Platoon sa 1st ZNPMFC ug Zamboanga Sibugay Police Community Relations Team sa Regional Anti-Cybercrime Unit 9 (PCRT-RACU9).
Ang pagsikop gihimo pinasikad sa warrant of Arrest sa krimen ni Estafa in relation to R.A. 10175, o nailhan nga Cybercrime Prevention Act of 2012, ubos sa Criminal Case No. 26975, nga gi-isyu ni Hon. Dickson DC. Ayon-Ayon, Presiding Judge, 2nd Judicial Region, Branch 2, Tuguegarao City, Cagayan, pinetsahan Nobyembre 17, 2025, nga adunay girekomendar nga piyansa nga mobalor sa P48,000.00 alang sa iyang temporaryong kagawasan.
Ang akusado gipahibalo sa hinungdan sa iyang pagkasikop ug katungod sa konstitusyon subay sa Miranda Doctrine ug anaa kini sa pagkakaron sa kustodiya sa Polanco Municipal Police Station alang sa tukmang disposasyon.(MEDALYN U. BORJA)
Source: Polanco MPS