Nadakpan sa kapulisan ang usa ka Most Wanted Person (Provincial Level) Rank Top 7 nga giilang gun-for-hire suspect sa operasyon sa City Mobile Force Company sa Cebu City Police Office didto sa Barangay Sambag I, Cebu City niadtong Agosto 28, 2025.
Ang suspetsado gisikop pinaagi sa warrant of arrest alang sa kaso nga Frustrated Murder gamit ang E-Warrant System. Malinawon ang operasyon ug walay pagsukol tungod sa kooperasyon sa iyang pamilya nga mitabang sa kapulisan.
Kaniadto, nasikop na kini sa kaso sa iligal nga drogas ug pusil samtang menor de edad pa apan milungtad gihapon ang iyang kalambigitan sa gun-for-hire activities.
Matod ni PRO-7 Director PBGEN Redrico Maranan, nagpakita kini nga operasyon sa ka-epektibo sa intel-driven operations ug sa dakong papel sa suporta sa komunidad sa pagpasiguro sa kalinaw ug kahapsay sa Central Visayas.
“This arrest clearly shows that when the community and the police work together, justice is swift and public safety is assured. The cooperation extended by the suspect’s family and community members was crucial to this operation. This strengthens our anti-criminality campaign and ensures peace and order in Central Visayas,” segon ni General Maranan.
Source: PRO7-PIO
I via Renante Socia Lada