DAVAO CITY – Usa ka 60-anyos nga senior citizen ang namatay human mabanggaan sa usa ka wing van samtang nagbarog gawas sa iyang balay sa Barangay Acacia, Sta. Cruz, alas 3:11 sa hapon, Biyernes, Agosto 29, 2025.
Ang biktima nailhan lamang sa alyas nga Artemio.
Base sa inisyal nga imbestigasyon, nawad-an og preno ang wing van samtang niagi kini sa usa ka liko sa kalsada. Wala kini mapugngan ug midiretso sa balay sa biktima, diin siya nagbarog sa gawas.
Gideklarang dead on the spot ang biktima human sa insidente.(Camille Santos Naraga)(Source: Contributed)