Gisugyot isip mga nominado si Cebu City Mayor Nestor Archival ug Bohol Governor Aristotle Aumentado alang sa pagka-chairperson nga mo giya sa gobyerno sa Regional Development Council sa Central Visayas (RDC-7).
Ang pagpili gihimo atol sa special RDC-7 Full Council-Organizational Meeting karong Agosto 28, 2025 sa City Sports Club, Cebu City.
Mitambong usab sa maong higayon si Cebu Gobernor Pamela Baricuatro, mga opisyal sa nagkadaiyang ahensya sa rehiyon, mga lokal nga lider ug representante sa pribadong sektor.
Usa sa nag-unang agenda sa miting mao ang pagpili sa Chairperson ug Co-Chairperson sa RDC Full Council ug Sectoral Committees para sa tuig 2025–2028.
Ang final nga appointment sa chairperson ipahigayon pa gihapon ni President Ferdinand R. Marcos Jr. Ang RDC-7 mao ang labing taas nga lawas nga nagkoordinar sa tanang plano ug kalamboan sa rehiyon sa Central Visayas.
Source: Cebu City PIO
I via Renante Socia Lada