Nasangit ang atop sa usa ka modern jeepney sa footbridge sa Raintree Mall sa F. Ramos Street, buntag sa Lunes, Septembre 29, 2025.
Ang jeepney nga padulong unta sa Lahug ug Apas, nakabangga sa ubos nga bahin sa footbridge samtang nag-agi sa dalan.
Aron makalusot, gipahiyosan sa driver ang mga ligid sa jeepney ug nakalusot ra kini human sa pipila ka minuto.
Nadanyos usab ang footbridge tungod sa insidente. Wala may nasamdan nga pasahero o tawo sa palibot.
Nagpasidaan ang mga saksi nga kinahanglan nga masusi ang kahimtang sa footbridge aron malikayan ang sunod nga disgrasya.
Ang insidente nakadani og daghang netizens human kini ma-post sa social media.
I via Renante Socia Lada