Gi-alerto ang mga residente sa Barangay Mabuli, Tabogon human madiskubre ang dagkong liki sa yuta ug duha ka landslide area nga naglibot sa usa ka torre sa kuryente sa Purok 6, Lumboy.
Ang insidente nasuta atol sa inspection sa Municipal Disaster Risk Reduction and Management Office (MDRRMO) uban si Punong Barangay Cecilia Ladera, human ang sunod-sunod nga ulan ug aftershocks miresulta sa pagliki sa yuta, rock fall, ug pagkahuyang sa tukod sa torre.
Gipaabot na sa mga otoridad ang report ngadto sa power service provider aron mapadala dayon ang ilang technical team sa site para sa assessment ug pagpatuman sa preventive measures aron malikayan ang disgrasya.
Samtang, ang LGU Tabogon ubos sa liderato ni Mayor Francis Salimbangon nagpadayon sa monitoring ug quick response operations aron mapanalipdan ang katawhan batok sa posibleng kadaut nga resulta sa nagpadayon nga pag-uwan ug yuta nga nagliki.
Giawhag usab sa mga residente nga magmatngon ug dili mosulod sa delikadong dapit hangtod matapos ang inspeksyon ug rehabilitasyon sa lugar.
I via Renante Socia Lada