Sa ulahing update gikan sa lokal nga kagamhanan sa siyudad sa Sugbo, misaka na sa 11 ka tawo ang kumpirmadong namatay sa trahedya sa Binaliw landfill human naugkat sa mga rescue team kagabii ang ika-11 nga casualty, usa ka 50 anyos nga babaye.
Padayon ang search and rescue operations sa lugar, diin 25 pa ka tawo ang gi-report nga missing. Nagkahiusa ang mga rescuers, lokal nga gobyerno, ug boluntaryo sa walay hunong nga pagpangita bisan pa sa delikado ug lisod nga kahimtangan sa yuta.
Ang makalilisang nga insidente nahitabo niadtong Enero 8, 2026, dihang mi-collapse o midahili ang dakong tipon-og sa basura sa landfill, nga nagtabon sa mga trabahante sa Prime Integrated Waste Solutions, Inc. (PIWS), ug mga tawo nga naa sa palibot sa maong lugar.
Sumala sa mga saksi, kalit ug kusog ang pagdahili sa basura, hinungdan nga daghang mga biltima ang wala na makaikyas. Daghan usab ang naangol, samtang ang uban hangtod karon wala pa makit-i.
Padayon ang imbestigasyon sa mga awtoridad aron mahibal-an ang tinuod nga hinungdan sa trahedya, samtang nangayo ang lokal nga kagamhanan og tabang ug pag-ampo alang sa kaluwasan sa mga missing ug kahupayan sa mga pamilyang nawad-an og minahal.
I via Renante Socia Lada