Sa gihimo nga panagtagbo sa mga residenti nga nanimuyo daplin sa sapa sa dakbayan sa Sugbo niuyon sila nga ibalhin sa luwas nga lugar.
Segon sa Cebu City PIO nga walay bisan usa sa mga lumolupyo sa tulo ka mga barangay nga nagsakop sa Estero de Parian ang nipadayag og pagsupak nga ibalhin sa mas luwas nga lugar nga kapuy-an.
Sa nasayran nga ang Task Force Gubat Sa Baha, pinaagi ni North River Commander Aderson Comar ug sa iyang mga deputy, nagpatawag og duha ka hugna nga tigom sa mga tawo diin ang mga panimalay nasulod sa tres metros nga easement sa maong sapa.
Gipasabot nga sa dili madugay ibalhin na sila sa luwas nga lugar ug layo sa peligro.
Mahinomduman nga panahon sa ting uwan ug kusog nga tubig sa baha musaka ang kasapaan dili delikado kini sa mga residenti.
Ang pagtapok sa gitawag nga mga “informal settler families” pinasubay usab sa lagda nga gipatuman karon ni Task Force Gubat sa Baha “Chief Implementer”, matod ni Maj. Gen. Mel Feliciano (Ret). (Renante Lada)
(Source: Cebu City PIO)
