Nagpadayon karon ang inbestigasyon sa kapulisan sa Police Regional Office (PRO-7) kung unsay hinungdan sa kamatayon sa French national ug sa uyab niini.
Mahinomduman nga napalgan ang duha ka mga biktima nga sila si Sylvian Florian Delaitre, 39 anyos ang panuigon ug ang hinigugma nga si Jennifer Cornelio, 30 anyos ang pangidaron, taga lungsod sa San Fernando, probinsya sa Sugbo sa usa ka tent, pulos sila nagpuyo na sa Bohol.
Didto kini sa usa ka camping tent sa siyudad sa Tagbilaran, Bohol, pasado alas 7:00 sa buntag, Abril 12, 2024.
Atol sa pag respondi sa mga SOCO napalgan ang gallon sa muriatic ug chemical nga gituhuang hydrogen sulfide tapad sa ilang patay nga lawas.
Gisusi sa kapulisan kung nahilo ba ang mga biktima sa mga chemicals o aduna bay laing hinungdan sa ilang kamatayon. (Renante Lada)
