Nisaka na sa 125 ang total nga mga namatay sa probinsya sa Cebu tungod sa kadaot nga gidala ni Bagyong Tino, base sa pinakabag-ong datos sa Emergency Operations Center alas-6 sa gabii, Nobyembre 6, 2025.
Pinakadaghan sa mga biktima ang natala sa Liloan nga adunay 39 ka patay, gisundan sa Compostela nga adunay 26, ug Cebu City nga adunay 17 ka mga biktima. Sa Mandaue City, adunay 14, samtang Danao City nakatala og 10 ug Talisay City adunay 7.
Sa ubang dapit, Balamban nakarekord og 8 ka patay, samtang Asturias, Consolacion, Bantayan, ug Tabogon matag-usa adunay 1 ka namatay.
Gipangayo karon sa mga lokal nga kagamhanan ang tabang sa mga ahensya sa nasyonal nga gobyerno aron matabangan ang mga pamilya sa mga biktima ug mas mapalig-on pa ang rescue ug flood control systems sa tibuok lalawigan.
Ang Bagyong Tino maoy giila karon nga pinakadaghang namatay sa kalamidad sa Cebu sulod sa daghang katuigan, human kini nagdala og kusog nga ulan ug pagbaha nga miigo sa daghang lungsod ug dakbayan sa lalawigan.
Source: Emergency Operations Center
I via Renante Socia Lada