Gipalig-on karon sa Police Regional Office 7 (PRO7) ubos sa pagdumala ni Regional Director PBGEN Redrico A. Maranan ang siguridad sa mga evacuation center sa tibuok Central Visayas human sa kalamidad nga gidala ni Bagyong “Tino.”
Karong Nobyembre 6, 2025, nagtigum si PBGEN Maranan uban ang tanan Provincial ug City Directors, ang Force Commander sa RMFB7, ug ang mga Regional Chiefs sa mga Operational Support Units aron hisgutan ang pagpalig-on sa seguridad sa mga lugar nga apektado sa bagyo. Base sa pinakabag-ong datos, 1,364 sa 2,634 ka evacuation centers sa rehiyon ang kasamtangang okupado, nga miabot sa halos 59,000 ka pamilya nga nawad-an og balay tungod sa bagyo.
Gimando ni PBGEN Maranan ang pagbutang og Police Assistance Desks (PADs) sa matag evacuation center ug ang pagpalig-on sa mga patrol ug visibility operation aron malikayan ang pagpangawat ug kalapasan sa kasiguroan sa mga apektadong komunidad. Gisugo usab niya ang pagdeploy sa mga Women and Children Protection Desk (WCPD) personnel aron motabang sa mga kaso nga naglakip sa kababayen-an, kabataan, ug ubang mga delikadong grupo sulod sa evacuation sites.
Matod ni Maranan, dili lang limitado sa perimeter security ang papel sa kapulisan kondili apil usab ang pagpakita og kalooy ug malasakit sa mga evacuees. Giatiman usab niya ang koordinasyon uban sa mga Local Government Units (LGUs), mga opisyal sa barangay, ug mga ahensiya nga pang-emergency aron masiguro ang han-ay ug makatawhanong paagi sa pagpanalipod ug pagserbisyo.
Nagpabilin ang PRO7 nga committed sa pagpanalipod sa mga komunidad ug sa pagsuporta sa humanitarian ug recovery efforts samtang padayon nga nagbangon ang Central Visayas gikan sa kadaut nga dala sa bagyo.
Source: PRO7 PIO
I via Renante Socia Lada