Mipahigayon ug usa ka site visit sa gi donar nga lote alang sa Soil Boring Activity ang pangulo sa Dipolog City Fire Station niadtong Nobyembre 6,2025 sa kanhi Provincial Hospital didto sa Barangay Biasong, ning dakbayan sa Dipolog.
Ang maong site nga usa usab ka pagsaksi gihimo ubos sa pagpangulo ni FSINSP APRILYN B BARBASO, City Fire Marshal sa Dipolog City Fire Station.
Kini nga kalihokan kabahin usab sa preparatory phase sa katukoran sa bag-ong Dipolog City Fire Station, nga sa dili madugay mupatigbabaw ang lokasyon niini.
Nasayran nga ang maong lote gidonar gikan sa buhatan sa Local Government Unit ning dakbayan sa Dipolog pinaagi ni kanhi Dipolog City Mayor Darrel Dexter T Uy, alayon nga mapalambo ang public safety ug emergency response capabilities,nga padayong suporta ngadto sa misyon sa Bureau of Fire Protection dinhi ning syudad sa Dipolog.
Si FINSP BARBASO mipadayag sa iyang pasalamat ngadto sa LGU sa lig-on nga pakigtambayayong niini, usa ka pasalig sa Bureau sa paghatod sa dekalidad nga serbisyo publiko pinaagi sa gipalig-on nga mga pasilidad ug mga programa nga nakasentro sa komunidad.
Dugang pa ang paglaay sa yuta usa ka mahinungdanon nga lakang aron masiguro ang luwas ug lig-on nga pundasyon alang sa umaabot nga estasyon sa bombero ug kalig-on sa komposisyon niini.
Nunot niini gilauman nga mupadayon pa ang operational efficiency, moderno nga ekipo nga akomodasyon, ug mas maayo nga working environment alang sa BFP personnel ang maong pagatukuron nga pasilidad.(MEDALYN U. BORJA)
Source: Dipolog City Fire Station