Daghang local government units (LGUs) sa Cebu Province ang nag suspenso sa klase karong Biyernes, Disyembre 5, 2025, tungod sa epekto sa Tropical Depression Wilma nga nagkaduol sa Eastern Visayas. Aron masiguro ang kahapsay ug kaluwasan sa mga estudyante, daghan sa mga LGUs nipili sa pag-shift sa Alternative Delivery Mode (ADM) samtang naghulat sa lain pang mga update sa panahon.
Sa mga lugar nga nag-ADM mao ang Minglanilla, Talisay City, ug San Fernando, diin giandam gihapon ang mga estudyante sa ilang leksyon pinaagi sa online o module-based learning. Kini nga lakang usa ka preventive measure aron malikayan ang disgrasya ilabina sa mga lugar nga posibleng maapektuhan sa kusog nga ulan ug hangin dala sa bagyo.
Samtang, aduna usab mga lugar nga kompletong nagpahunong sa klase, sama sa Moalboal ug Alcoy, nga nag-suspend sa klase sa tanan lebel. Gilauman nga masinati sa dakbayan ug kabaryuhan ang pag-uwan ug hangin samtang nagpadayon ang paglihok sa bagyo padulong sa Central ug Eastern Visayas.
Daghan pa gyud nga LGUs sa Cebu ang nag-anunsyo sa face-to-face class suspension apil na ang Compostela, Cordova, Santa Fe sa Bantayan Island, City of Naga, Argao, Borbon, Sogod, Barili, Bantayan, Tabogon, Ronda, Dumanjug, Carcar City, Asturias, Balamban, Consolacion, Danao City, Carmen, Aloguinsan, Badian, Santander, Samboan, Malabuyoc, Alegria, Toledo City, Liloan, ug Boljoon. Ang mga LGUs nagpadayong naga-monitor sa kahimtang ug andam sa pagpatuman ug dugang safety measures kung gikinahanglan.
Gikumpirmar usab nga Lapu-Lapu City ug Mandaue City nag-suspend sa ilang face-to-face classes hangtod maayo ang panahon. Sa pagkakaron, nagpadayon ang Kapitolyo sa pag-update sa listahan sa mga lugar nga naay suspensyon, ug gidasig ang publiko nga padayon nga motan-aw sa opisyal nga advisories gikan sa ilang lokal nga pangagamhanan ug DOST-PAGASA.
Source: Cebu Province PIO
I via Renante Socia Lada