Si Cebu City Mayor Raymond Alvin Garcia nakigtagbo sa mga representante gikan sa Japan International Cooperation Agency (JICA), Yokohama City, ug uban pang importanteng stakeholders kagahapong adlawa, Nobyembre 8, 2024, aron hisgutan ang masterplan study alang sa Comprehensive Sewerage System Development project.
Ang kalihokan nahitabo sa Radisson Blu Hotel. Ang proyekto, nga gitumong sa pagtubag sa nagkadako nga sewage ug wastewater management nga mga panginahanglanon sa dakbayan sa Sugbo, nagtutok sa pagmugna og malungtaron ug episyente nga sistema sa imburnal nga makabenepisyo sa kinaiyahan ug sa mga lumulupyo sa dakbayan sa Sugbo.
Gipasiugda ni Mayor Garcia ang pasalig sa dakbayan sa pagpalambo sa panglawas sa publiko ug mga sumbanan sa kinaiyahan pinaagi niining hiniusang paningkamot uban sa mga eksperto sa Japan. (Renante Socia Lada)
(Source: Cebu City PIO)