Kung niadtong miaging adlaw usa ka asawa ang nasakpan sa bana, kagahapon usab adunay bana nga nasakpan sa asawa.
Tangong karon sa Compostela Police Station ang usa ka bana uban sa iyang kabit human nasakpan sa asawa nga nagdaro ang iyang bana sa laing darohan, sulod sa kwarto sa uyoan sa babae nga nahimotang sa Lower Guiwanon Poblacion, Compostela Cebu niadtong Nobiyembre 8, 2024.
Matuod pa sa imbistigador sa Compostela Police Station nga ang asawa nangayo ug panabang sa kapulisan tungod kay ang iya bana kuyog sa babae nga karelasyon nagdula ug kalayo.
Dali usab nga girespondihan sa kapulisan, ug pag-abot nila sa maong lugar ila dayon kining gipaablihan sa tag iya ang maong kwarto ug didto nakita sa asawa og sa kapulisan ang duha nga pulos hubo og pagkakita nila sa mga police dali kining nagsulob sa ila mga sapot maoy hinungdan nga sila gidakop og gidala sa police station aron pasakaan og kaso. (Renante Socia Lada and Ting Joe Pepito)