Gidasig ni Cebu City Mayor Nestor Archival Sr. ang tanang ginikanan ug tigbantay sa mga bata nga ipaapil ang ilang mga anak sa Measles Rubella Supplemental Immunization Activity (MR SIA) nga gipahigayon sa Department of Health (DOH) Central Visayas Center for Health Development.
Padayon ang suporta sa Cebu City Government sa mga programa sa panglawas aron mapanalipdan ang mga bata batok sa measles ug rubella. Ang mga batang nag-edad og 6 hangtod 59 ka bulan gi-awhag nga magpabakuna aron malikayan ang mga sakit nga mapugngan pinaagi sa bakuna.
Matud pa sa siyudad, pinaagi sa panagtinabangay sa gobyerno ug sa mga ginikanan, masiguro nga ang matag bata sa Cebu City adunay proteksyon ug mas himsog nga kaugmaon.
I via Renante Socia Lada