33 C
Manila
Saturday, April 20, 2024

Cebu: Mandaue City Mayor Jonas Cortes nakig alayon sa mga Senador aron matabangan ang mga nabiktima sa dakong sunog sa Brgy. Looc

- Advertisement -

Didto palang sa kauluhan si Mandaue City Mayor Jonas iyang na nahibaw-an ang dakong sunog na niulbo sa duha ka Sitio sa Brgy. Looc, dakbayan sa Mandaue gahapong adlawa Marso 12, 2024.

“I was still in Manila when I heard of the news, akong gipa abot sa atong mga Senators ang balita, mao nga nadugangan ang tabang mahatag nato sa mga apektado.” pamahayag ni Mayor Cortes.

Nakig alayon si Mayor Cortes sa mga Senador para mahatagan og tabang ang mga na biktima sa sunog sa Sitio Under the Bridge ug Bantayan sa Hari.

Photo courtesy from Jonas Cortes FB Page

Mahinomduman na ang alarma nadawat sa kabomberohan sa Mandaue City Fire Station alas 12:06 sa udto, nasaka sa 1st alarm pagka alas 12:12, 2nd alarm alas 12:15, 3rd alarm 12:15 ug na under control pagka alas 12:42 ug na fire out pagka alas 2:16 sa hapon.

Nikabat sa 502 ka mga pamilya ang na biktima sa maong sunog ug 1,708 usab ka mga individuals ang apiktado.

Gi bana-bana sa kabomberohan na muabot sa P1.2 million ang danyos sa maong sunog samtang padayon ang pagsusi sa hinungdan niini.

Photo courtesy from Bantay Mandaue – CDRRMO FB Page

Nasayran na ang sunog nagsugod sa pinuy-anan ni Estelita Dinawanao na daling nikuyanap sa mga sikbit na balay na ginama sa light materials.

Si Mayor Jonas Cortes usab iyang gipaniguro ang pagpahiluna sa mga nasunogan ug ang pag-atiman sa ilang mga panginahanglanon samtang anaa pa sila sa tumang kagool.

Kasamtangan atua sa Looc gym ug Cesar Cabahug Elementary School ang mga biktima na padayong giatiman sa kagamhanan sa siyudad sa Mandaue.

(Renante Socia Lada)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -