Nakabsan sa kinabuhi ang maguwang, dihang gihampak ug tubo sa iyang kaugalingong manghod, kagahapon Mayo 5, 2024 didto sa Sitio Tangis-Tangisan, Barangay Villasol, Bayawan City, Negros Oriental.
Ang suspek naila nga si Johnny usa ka 37-anyos, ug ang biktima naila nga si Ernesto, managsamang lumolopyo sa maong dapit.
Sumala pa ang suspek mitahan sa iyang kaugalingon ngadto sa “DELTA COMPANY” sa Lapay Detachment ug diin dali kining gi hatod sa Bayawan Police Station aron sa pormal nga pagturn-over.
Sa pakisusi sa mga Kapulisan, nasayran nga giingong gibunalan ug tubo ang biktima nga maoy hinungdan sa hinanaling kamatayon niini.
Sa pagsuwat niining balita, wala pa nato makuha ang motibo sa pagpatay, sanglit padayon pa man ang imbistigasyon sa mga otoridad. (Ting Joe Pepito l Roy Ortiga)