Wala nay kinabuhi nga niabot sa tambalanan ang usa ka inahan human gipusil sa mismo niining kaipon.
Ang krimin nahitabo didto sa Purok 1, Barangay Looc, lungsod sa Panglao, Bohol, niadtong Sabado sa buntag, pasado alas 10:00, Mayo 4, 2024.
Ang biktima giila sa Panglao Police Station na mao si Antonette Arado Esterado, 22 anyos ang panuigon.
Naila usab ang suspetsado nga mao si Jeffrey Niefel, hingkod ang panuigon, residenti sa Barangay Doljo, sa susama nga lungsod.
Sa inbestigasyon sa Panglao Police Station nasayran nga niabot sa ilang balay ang suspetsado nga nasuko pag ayo dayon bunot sa iyang armas ti-on sa agtang sa biktima.
Iya kining gi agtang pagpusil atubangan sa upat ka mga bata dayon sibat sa maong lugar.
Sa nasayran nga kulatado pag ayo si Esterado ni Niefel, gani nidangop na kini sa kapulisan.
Nahibaw-an usab nga nalambigit sa paggamit sa ginadiling drugas ang suspetsado.
Daling nihimo og manhunt operation ang kapulisan og paglabay sa pipila ka oras nitahan ang mamumuno.
Planong makigbulag sa biktima ngadto sa suspetsado maoy usa sa motibo sa maong krimin.
Sa pagkakaron giandam na ang tukmang kaso batok sa suspetsado nga nipatay sa mismong kaipon. (Renante Socia Lada)