Usa ka magtiayon nga molupyo sa Barangay Poblacion, Lungsod sa Borbon, ang gipamusil niadtong Huwebes, Nobiyembre 21, 2024, duol sa ilang balay.
Ang namatay nailhan nga si Maria Dejito, 64 anyos, samtang ang bana nga si Roberto Dejito, 64 anyos usab, nasamdan human maigo sa bugan. Ang asawa naigo sa iyang lawas nga miresulta sa iyang kamatayon.
Matod sa imbestigasyon sa Borbon Police, ang suspek nailhan nga si Reynaldo Sumayang, usa ka hingkod nga residente sa maong lugar. Gipasanginlan nga gilusob sa suspek ang magtiayon samtang kining duha padulong na unta manglaba sa atabay.
Gituohan sa suspek nga ang magtiayon maoy nagbarang sa iyang anak nga pirming magsakit ang ulo, hinungdan nga nasuko kini ug nagresulta sa maong krimen.
Ang suspek nadakpan dayon sa kapulisan human sa insidente ug kasamtangan nga gipaubos sa imbestigasyon. (Renante Socia Lada)