MaASENSOng adlaw sa tanan!
Akong ipaabot ang akong dakong pasalamat ug pagdasig sa Bulatok Women’s Association nga nakadawat sa Sustainable Livelihood Program (SLP) gikan sa DSWD ug sa City Government of Pagadian, nga nagkantidad og Php 450,000 alang sa rice dealer project.
Kini nga programa usa ka dakong oportunidad alang sa atong mga kababayen-an sa Bulatok aron mapalambo ang ilang panginabuhian ug mapaangat ang kalidad sa ilang kinabuhi.
Ang paghatag sa maong pondo usa ka tin-aw nga paningkamot sa atong kagamhanan aron suportahan ang mga asosasyon nga nagpakita sa determinasyon ug paglahutay sa pag-uswag sa komunidad. Dili kini lamang usa ka ayuda, kundi usa ka pamaagi aron matudluan ug matabangan kamo sa pagpalig-on sa inyong negosyo, aron kamo makabarog ug mahimong inspirasyon sa uban.
Nanghinaut kita nga pinaagi sa maong proyekto, daghan pang oportunidad ang maablihan, ug dili lamang ekonomikanhong kauswagan ang atong maangkon kundi paglig-on usab sa pagkahiusa ug pagtinabangay sa komunidad. Padayon ta sa pagtinabangay, sa pagpaningkamot, ug sa paglambo alang sa mas malinawon ug mas mauswagon nga Bulatok!
Daghang salamat sa DSWD sa padayon nga suporta, ug congratulations sa Bulatok Women’s Association.
ASENSO BULATOK
(Source: Mayor Sammy Co Facebook page)