Nasikop ang usa ka Grade 12 student nga giilhan nga si Jeri, 18-anyos, residente sa Sitio Curva, Barangay San Vicente, human masakpan nga nagdala og armas de fuego nga walay hustong papeles sa Purok Okra, Sitio Marina, Barangay Calero, alas-9:40 sa gabii, Biyernes, Setyembre 26, 2025.
Matod sa report, si Police Corporal Ubert Icot Rivera, 36-anyos, mao’y nakasugat sa grupo sa suspek nga giingong misulod sa usa ka compound aron atubangon ang usa ka tawo nga nailhan lamang nga si Ken.
Sa imbestigasyon, misulay og dagan ang grupo paingon sa ilang mga motorsiklo nga tua kapin 100 metros ang gilay-on. Apan samtang gisundan sa kapulisan, kalit nga nagkuha og armas si Jeri.
Dali ra kini na-neutralize ug nadakpan sa kapulisan samtang ang uban niyang kauban nakaikyas.
Karon, ang suspek gilakip na sa kustodiya sa Liloan Municipal Police Station ug atubangon og kaso ubos sa R.A. 10591 o Comprehensive Firearms and Ammunition Regulation Act.
Giimbestigahar usab sa kapulisan ang mga kauban sa suspek nga nakaikyas aron masiguro ang hustisya ug kalinaw sa lugar.
I via Renante Socia Lada