Pormal nang gihatag sa Land Transportation Office – Region VII (LTO-7) ang mga breathalyzer units sa Cebu Police Provincial Office (Cebu PPO) sa usa ka seremonya sa Capitol Hall ning Pebrero 19, 2026.
Misalmot sa turnover si Gob. Pamela S. Baricuatro ug si Francisco Franz Ranches Jr., OIC Regional Director sa LTO-7, kauban ang ubang opisyal sa probinsya ug kapulisan.
Gisulti ni PCOL Abubakar Udang Mangelen Jr., Provincial Director sa Cebu PPO, nga ang mga breathalyzer dili lang simbolo sa turnover kundi importante nga kagamitan para maprotektahan ang mga motorista ug katawhan sa kalsada.
Ang mga units gamiton sa mga checkpoint, mobile patrol, ug special traffic operations, labi na sa mga lugar nga delikado ug sa oras sa daghang trapiko. Ang Provincial Government nagpanghimatuud sa ilang suporta sa mga lakang para sa road safety ug giklaro ni Gob. Baricuatro nga ang kaluwasan sa kalsada responsibilidad sa tanan ug kinahanglan ang kooperasyon sa gobyerno ug komunidad.
Ang turnover nagpakita sa lig-on nga partnership sa LTO-7, Cebu Provincial Government, ug Philippine National Police aron mapalig-on ang disiplina, accountability, ug seguridad sa kalsada. Pinaagi sa bag-ong kagamitan ug aktibong kooperasyon sa komunidad, nagtinguha ang Cebu PPO ug partners nga mapakunhod ang aksidente nga may kalabotan sa alkohol ug maprotektahan ang kinabuhi sa tanan nga Sugbuanon.
Source: CPPO
I via Renante Socia Lada