Nakalas ang usa ka Senior Citizen human naapil sa pagkasunog sa iyang mismong balay.
Pasado alas 3:18 kagahapon sa hapon, Agosto 7, 2023 nadawat sa kabomberohan sa dakbayan sa Mandaue ang alarma sa sunog, gisaka kini sa unang alarma alas 3:21, na kontrol alas 3:28 ug na fire out kini pagka alas 3:39, didto sa Hernan Cortes, Barangay Subangdako, dakbayan sa Mandaue.
Si Apolonio Menaling Jr., 69 anyos ang panuigon, naapil sa pagkapaig sa maong sunog.
Sa inbestigasyon sa Mandaue City Fire Station nasayran nga nag inusara ang biktima sa maong balay diin nagsugod ang sunog sa ikaduhang andana.
Ang maong pinuy-anan ginama sa light materials nga nidanyos og P75,000.
Sa pagkakaron padayong gisuta sa kabomberohan kung unsay hinungdan sa maong sunog. (Renante Socia Lada, photo courtesy of Bantay Mandaue)