Patay ang usa ka tuig ug pito ka bulan nga batang lalaki nga si John Andrei Tinapay human kini nalumos sa balde nga adunay tubig sa Purok 6, Barangay San Isidro, Sagbayan, Bohol, niadtong Martes, Enero 21, 2025, mga alas 8:00 sa buntag.
Segon sa inahan nga si Jonalyn Lauron, siya nibiya sa balay aron mamahaw sa balay sa iyang inahan nga duol ra sa ilang panimalay. Iyang gitugon ang iyang 9-anyos nga anak nga bantayan ang manghud, apan wala kini makabantay nga ang biktima nakasulod sa balde nga puno sa tubig nga nahimutang sa luyo sa ilang balay.
Ang silingan ang nakamatikod nga ang bata nagduwa-duwa sa balde ug mipahibalo sa ginikanan. Gisugo niini ang iyang anak nga kuhaon ang biktima, apan wala na kini naglihok ug gituohang patay na.
Gidala dayon ang bata sa health center, apan gideklarar na kining patay pag-abot didto. Si Jonalyn usa ka plain housewife, samtang ang iyang bana usa ka pump boy sa gasoline station.
Sa pagkakaron padayon ang kapulisan sa ilang imbestigasyon kalabot sa maong insidenti.
I via Renante Socia Lada