Gibisita pag-usab ni Presidente Ferdinand R. Marcos Jr. ang mga lugar sa Cebu nga grabe ang kadaut human sa linog niadtong Setyembre 30, 2025, aron masiguro nga nadala na ang dugang nga tabang alang sa mga biktima, sumala sa iyang direktiba.
Sa San Remigio, dali nga natukod ang Tent City sulod lang sa pipila ka adlaw, nga adunay 150 ka tent alang sa 250 ka pamilya nga nawagtangan og puloy-anan. Giatiman usab ang Bayanihan Village diin 20 ka mas lig-on ug komportableng modular shelter units ang giturn-over para magamit sa mga pamilya nga naapektuhan.
Gawas sa pinansyal nga tabang gikan sa gobyerno, kompleto usab ang mga residente sa pagkaon, tubig, kasilyas, ug mga serbisyo sa kahimsog sama sa medical consultation ug mental health support aron matabangan silang makabawi sa trahedya.
Nagpakita kini sa tinud-anay nga pagpaningkamot sa administrasyong Marcos nga mahatagan og luwas ug hapsay nga puy-anan ang mga Sugboanon nga biktima sa linog, ug nga makabarog pag-usab uban ang paglaum ug kalig-on.
Source: PCO
I via Renante Socia Lada