Niabot sa lima ka ihap sa kasong cyber libel ang gipasaka ni Lapu-Lapu City Mayor Junard ‘Ahong’ Chan batok sa iyang kritiko nga si Humprey Elvira, usa ka tattoo artist nga nagpuyo sa maong dakbayan.
“Partial lang ni siya, ang five counts of cyber libel, duna ni siya’y nagsunod, hopefully this week, another five counts, and another five counts for next week, gi-prepare pa sa atong mga abogado,” matod pa sa Mayor.
Sa nasayran nga si Elvira maoy nagduma sa Facebook page nga “Kamatuoran sa Opon” diin giingong ni-post ug mga libelous content niadtong Septyembre 8, 13 ug 19 ingon man niadtong Oktobre 8 ug 9.
“Well, naa jud politico nga nagpaluyo, klaro man, kaniadto pa, way back in 2022.” gibutyag ni Mayor Chan.
Nahibaw-an nga ang maong suspetsado nga daghang mga post sa social media nga mga pulong nga nagdaot sa imahing sa mayor ug paglambigit niini sa gi-raid nga POGO hub sa Barangay Agus sa siyudad niadtong Agosto diin kusganong gipanghimakak sa Mayor ang pasangil ni Elvira.
Dugang sa mayor nga mupasaka pa siya og dugang mga kaso batok ni Elvira nga nisaway kaniya pag ayo. (Renante Lada)