Nakabsan sa kinabuhi diha-diha dayon ang usa ka lalaki nga nagmaneho sa iyang motorsiklo, human nadasmagan sa usa ka Ceres bus sa Barangay Cotcot, lungsod sa Liloan, Sugbo, pasado alas 4:OO sa hapon, Nobyimbre 4, 2024.
Ang biktima giila sa Liloan Police Station nga mao si Romel Arellano Montecalvo, 47-anyos, residente za Riverside, Brgy. Canduman, dakbayan sa Mandaue.
Naila usab ang nagmaneho sa bus nga mao si Violito Cada Salgarino, 39-anyos, taga Brgy. Tabok, siyudad sa Mandaue.
Sa imbistigasyon sa kapulisan sa Liloan matud pa nga ang maong bus ug motorsiklo parehong nagbiyahi sa susamang direksyon, apan sa pag-abot na maong lugar nga nahitaboan nadasmagan ang motorsiklo na maoy hinungdan nga nalatayn kini sa bus.
Hinoon nitahan ra sa kapolisan sa Liloan ang bus drayber ug kun dili sila magka-areglo sa pamilya sa namatay kasong Reckless Imprudence Resulting to Homicide ug Damage to Property ang iyang atubangon. (Renante Lada and Ting Joe Pepito)Â