Patay ang usa ka German national human kini ma-trap sa sunog nga miulbo sa usa ka pension house sa Barangay Guizo, Mandaue City kaganihang kaadlawon.sayo sa kadlawon.
Giila ang biktima nga si Thomas Hans Schiemmer, kapin 70 anyos, nga dugay nang nag-abang sa maong pension house.
Sumala sa Bureau of Fire Protection, alas 4:00 sa kadlawon nadawat ang alarma sa sunog ug dali nga miresponde ang mga bombero gikan sa Mandaue ug silingang lugar.
Sa inisyal nga imbestigasyon, gituohang nagsugod ang kalayo sa stock room diin gitipigan ang mga habol, punda ug tualya. Duha ka pension house ang naapektuhan apan usa niini ang grabeng naabo.
Padayon pa ang imbestigasyon sa mga otoridad aron matino ang eksaktong hinungdan sa sunog nga nagbilin og gibana-banang ₱8.7 milyon nga kadaot sa kabtangan.
📸 Contributed
I via Renante Socia Lada