Human sa pipila ka oras nga disgrasya nabugtu-an sa kinabuhi ang usa ka lalaki nga nagmotorsiklo didto sa tambalanan human na dasmagan sa Isuzu Forward Truck.
Ang aksidenti nahitabo didto sa Nasudnong Dalan, Barangay Sabang, lungsod sa Sibonga, probinsya sa Sugbo, pasado alas 5:45 kagahapon sa hapon, Mayo 25, 2024.
Ang biktima giila sa Sibonga Police Station nga mao si Lonie Tenoy Dejos, 28 anyos ang panuigon, taga Barangay Linut-od, lungsod sa Argao, Sugbo.
Naila usab ang suspetsado nga mao si Federico Mahinay Entia II, 38 anyos ang pangidaron, menyo, residenti sa Sitio Magtuod, Barangay Bug-ang, lungsod sa Toboso, Negros Occidental.
Sa imbestigasyon sa Sibonga Police Station, pinanguluhan sa ilang hepe nga si Police Captain Fort Anthony Valdez, nasayran nga ang duha ka mga sakyanan nagbiyahi sa managlahing direksiyon.
Sa pag-abot sa naasoy na lugar ug oras ni over-take ang forward truck sa gisundan nga motorsiklo na maoy hinungdan nga nikawat kini sa pikas linya nga gisubay sa biktima.
Na dasmagan ang drayber og nakaangkon og grabing kadaot sa iyang kalawasan na maoy hinungdan sa iyang kamatayon.
Sa pagkakaron padayong gitanggong ang suspetsado samtang giandam ang kasong Reckless Imprudence resulting to Homicide. (Renante Socia Lada)
(Source: Sibonga Police Station)