Subay sa pagsaulog sa World Blood Donor Day, ang mga personahe sa 97th Infantry “KALASAGLAHI” Batallion nisalmot sa Mass Donation Program nga gipahigayon didto sa Municipal Gymnasium sa Brgy Alto Poblacion, Sergio Osmeña Sr., ZDN., niadtong Mayo 20,2024.
Ang maong kalihokan gipangulohan sa Commanding Officer sa 97th Infantry nga si Lieutenant Colonel Jimmy J Sanz, ubos sa pagpa siugda sa Rural Health Unit sa Sergio Osmeña Sr., LGU, pinangulohan ni Dr. June Marie E. Saga MD, ang Municipal Health Officer diin 19 ka mga Opisyal ug Enlisted Men gikan sa unit ang midonar og dugo.
Gawas sa 97IB troopers, ang ubang partner agencies ug civilian stakeholders misalmot usab sa blood donation drive diin 134 nga malampuson nga mga donor, nga nakahatag og 134 ka bag sa dugo.
Si Dr. June Marie Saga, sa buhatan sa RHU Sergio Osmeña Sr., nagpasalamat kang Lieutenant Colonel Sanz ug sa unit sa ilang partisipasyon ug kontribusyon nga nagmalampuson sa Blood Drive inabagan sa Zamboanga del Norte Medical Center Blood Bank, nga girepresentahan ni Ms Abigail B Khio, RMT.
Sa samang higayon, si Lieutenant Colonel Sanz, sa iyang bahin, mipamatuod pag-usab sa pasalig sa yunit sa pagtampo sa kalinaw ug kauswagan sa Zamboanga del Norte naglatid sa kamahinungdanon sa gahum pinaagi sa paghatag sa gasa sa dugo o plasma nga nakatampo sa usa ka malungtarong suplay sa dugo ug mga produkto sa dugo aron sa pagtabang sa dili maihap nga mga pasyente nga nanginahanglan. (Medalyn U. Borja)
(Source: 97th IB Kalasaglahi Battalion)