Nasikop ang 29-anyos nga lalaki, usa ka panday ug residente sa Brgy. Parian, Cebu City, human mangayo og tabang ang 21-anyos nga babae nga estudyante sa usa ka unibersidad sa Cebu sa duty guard niadtong Pebrero 17, 2025, sa buntag.
Sumala sa imbestigasyon, samtang ang biktima nagpaabot sa iyang igsuon sa eskinita, ang suspek nagsugod og duwa sa iyang kinatawo atubangan sa biktima ug malisyosong nitutok kaniya, nga nakaresulta sa kahadlok ug kabalaka sa biktima. Dayon nangayo og tabang
ang biktima sa guwardiya sa unibersidad, nga nagresulta sa pagka-aresto sa suspek.
Ang suspek nag-atubang sa kasong paglapas sa Republic Act 11313 o ang “Safe Spaces Act” (Bawal Bastos Law). Karon, siya nakadetine na sa Waterfront Police Station 3.
Ang Cebu City Police Office (CCPO) nagpangayo og suporta gikan sa publiko nga magpadayon sa pagpanalipod sa mga kababayen-an ug pagsuporta sa mga lakang alang sa kaluwasan sa tanan.
Source: CCPO
I via Renante Socia Lada