Ang kagamhanang lokal ning siyudad mipagawas ug mga pahibalo pinaagi sa City General Services, ang maong lakang ipahigayon pinaagi sa pagkuha sa tanang mga wires, cables, ug uban pang nakitang butang nga illegal nga nakakabit sa matag streetlights o poste palibot ning dakbayan, kini paga sugdan karong umaabot Pebrero 20, 2025 adlawng huebes.
Ang maong tinguha sa dakbayan usa kini sa mandato nga maklaro ug insaktong mamintinar ang maong mga proyekto, ug ingon man usab sa kaluwasan sa mga pampublikong straktura ug sa matag katawhan.
Matud pa nga maobserbahan sa pagkakaron nga adunay daghanang mga cables o wires, (telepono, wifi, cable TVs, etc.) nga illegal o bawal kini nga mukabit lang sa mga streetlights o poste diin
matag eskinita ning dakbayan makita gayud nga naglambod o naghibat ug hugaw kining lantawon, ug dugang pa naghatag kini ug ka delikado ngadto sa katawan.
Kahibaloan gipanghingusgan kining gipahibalo sa kagamhanang lokal ang mga katawhan, ilabi na kadtong hingtungdang mga subscribers sa telepono, wifi, ug cable TVs, sa pagpakigkoordinar sa ilang mga kompaniya, kay basin unyag nahiapil ilang mga linya sa maapektuhan ning nasangpit nga lakang.
Kahinumduman nga kining maong pagpatigayon nga gihimo karon sa kagamhanang lokal ning siyudad may kalambigitan kini sa mga wires, cables ug uban pa, kini usa sa tumong sa ipahigayong operasyon sa “Task Force Alambre” nga gimugna ug giorganisa aron sa paghimo sa pagpanangtang ingon man pagpanglimpyo sa mga streetlights o poste ngadto sa mga illegal nga mikabit nga mga wires o cables dinhi palibot sa dakbayan sa Dipolog.(Angelica T. Obina)
Source: DIPOLOG CITY GOVERNMENT