Wala nay kinabuhi nga napalgan ang usa ka lalaki nga na missing sulod sa tulo ka adlaw.
Pasado alas 9:30 kagahapon sa buntag, Hulyo 8, 2023, gi respondihan ang taho nga adunay naglutaw sa kadagatan nga wala nay kinabuhi.
Ang biktima naila nga si Mark Glenn Osorio Navarro, 21 anyos ang panuigon, ulitawo, residenti sa Barangay Owak, lungsod sa Asturias, probinsya sa Sugbo.
Segon ni Police Captain Marlon Adao, hepe sa Asturias Police Station, nga niadto pang adlaw na Huybis gikatawo nga nawala ang biktima ug kagahapon lang kini nakit-an sa mga mananagat.
Sa pamahayag sa inahan ni Navarro nga ang iyang anak adunay sakit sa nerveous breakdown nga taod-taod nga nag antos.
Nasayran usab nga nagpuyo ang naasoy nga biktima duol sa sapa nga posibling nahulog kini og naanod paingon sa lawod boundary didto sa Negros Oriental.
Way nakitang foul play ang kapulisan ug bugtong ang pagkalumos maoy gikamatyan sa biktima. (Renante Lada, photo credits to the owner)