MANAY, DAVAO ORIENTAL — Nasikop ang usa ka 45-anyos nga lalaki sa gilusad nga buy-bust operation sa Philippine Drug Enforcement Agency (PDEA) XI sa Purok 21, Libtong, Barangay Central, Manay, Davao Oriental sa buntag sa Hulyo 5, 2025.
Giila ang suspek sa alyas “Ongkit”, residente sa maong lugar.
Sumala sa impormasyon gikan sa PDEA-XI, unang napalitan ang suspek og usa ka sachet nga gituohang shabu sa usa ka poseur buyer nga ahente sa PDEA sa operasyon nga gisugod alas 7:35 sa buntag.
Pagkahuman sa transaksyon, dayong giaresto ang suspek. Nakuhaan pa kini og dugang upat ka sachets nga adunay sulod nga gituohang shabu, nga gibanabana og kantidad nga P13,000 ang tanan.
Kuyog sa operasyon ang mga elemento sa Davao Oriental Police Provincial Office, Police Regional Office XI – Regional Intelligence Unit, ug Manay Municipal Police Station.(Camille Santos Naraga)(Source: DCPO)