Nagbuy-od na wala nay kinabuhi ang usa ka lalaki nga napalgan daplin sa kadagatan. Pasado alas 2:00 kagahapon sa hapon, Hunyo 3, 2023, didto sa kagadatan, sa Sitio Punta, Barangay 8, lungsod sa Tuburan, probinsya sa Sugbo.
Ang biktima giila sa Tuburan Police Station nga mao si Bernard Villamor, 46 anyos ang panuigon, residenti rapud sa maong lugar.
Sa inbestigasyon sa Tuburan Police Station nasayran nga ang biktima nakit-an sa mga residenti nga nagbuy-od sa baybayon pagka buntag pa.
Nagtoo ang mga tawo nga hubog lang kini apan hangtod nalang hapon wala kini ni bangon ug sa ilang pagsusi wala na nagpitik ang pulso niini.
Sa pasiuna na pagsusi sa kapulisan nagtoo sila na giataki kini sa kasing-kasing.
Sa pagkakaron nag awhag ang kapulisan sa kabanay na ipaubos sa autopsy ang patayng lawas sa biktima aron pagsuta sa tinuod na gikamatyan niini og wala ba kini foul play. (Renante Lada, photo credits to the owner)