An Department of Social Welfare and Development CARAGA kaiban sa tabang nan lokal na panggamhanan pinaagi sa City Social Welfare Development Office, nagpahigayon nan Semestral Pay-out sa mga beneficiaries na waya pa maka-claim sa una na mga schedule.
Lakip na sab an pag-register sa mga bag-ong senior citizens para maka claim nan Social Pension for Indigent Senior Citizens.
Subay sa Republic Act 9994 o Expanded Senior Citizens Act of 2010, na nagpadajon na mahatagan nan dugang tabang an mga katiguyangan. Ilabi na kadtong mga walay panginabuhian o walay income. Isa ini ka tabang labi na sa ilang mga ginasustento na tambal.
Nagkantidad sa tresmil ka pesos (3,000) an nadawat sa 223 ka Unclaimed beneficiaries’ nan Senior Citizens sa 43 ka Barangay nan siyudad an waya nagpakadawat sa 1st semester Social Pension sa nilabay na buyan April 12, 2023.
Samtang isa ka gatos noybe (109) ka mga New Registered Senior Citizens sa desinoybe (19) ka barangay sa siyudad an naka dawat sa 1st pay-out sa kantidad na dosmil ka pesos (2,000) suyod sa duha kabuyan basi sa skedyul sa ila pagparehistro sanan pag approved.
Dako karadjaw an nahimong papel nan LGU CSWDO Surigao isip pagmonitor sa record o impormasyon sa tanang miyembro sa Senior Citizen na sila makabenepisyo gajud sa tabang gikan sa gobyerno.
Serbisyong Surigaonon!
(Source: Surigao City PIO Facebook page)