Nakaplagan ang usa ka patay’ng lawas nga gituohang biktima sa salvage sa Sitio Balao, Barangay Esperanza, Aloguinsan niadtong Septyembre 1, 2025.
Wala pa mailhi ang biktima ug wala pa’y klaro kung asa kini nagpuyo. Adunay mga tattoo sa duha ka bukton ug sa likod, apan tungod sa pagkabungkag sa nawong, naglisod ang kapulisan sa pag-ila niini. Nakit-an usab nga adunay mga samad sa dughan nga maoy posible hinungdan sa kamatayon.
Unang nakadiskubre niini ang tulo ka estudyante nga gikan sa eskwelahan. Nakabantay sila og lain nga baho ug sa ilang pagsusi, nakit-an nila ang mga tiil sa biktima. Gi-report dayon nila kini sa mga otoridad.
Nasuta usab nga ang kamot sa biktima nakagapos pa og cable wire. Gibanabana nga duha hangtod tulo ka adlaw na kini patay sa maong dapit. Padayon ang imbestigasyon sa kapulisan aron mahibal-an ang maong sa biktima ug ang tinuod nga hinungdan sa krimen.
I via Renante Socia Lada