Gisugdan na ang pagsaulog sa National Crime Prevention Week (NCPW) sa Central Visayas pinaagi sa usa ka kick-off ceremony nga gihimo niadtong Septyembre 1, 2025 sa Cerge Remonde Sports Complex, Argao, Cebu. Ang kalihokan gipangulohan sa National Police Commission (NAPOLCOM) Region 7 ug Police Regional Office 7 (PRO7).
Ang maong semana nga selebrasyon magsugod gikan Septyembre 1 hangtod 7, 2025, subay sa Presidential Proclamation No. 461. Kini nagtinguha sa paghiusa sa mga lider sa gobyerno, kapulisan, ug komunidad aron palig-onon ang mga programa sa pagpugong sa krimen. Ang tema karong tuiga mao ang: “Pinalakas na Pamahalaang Lokal para sa Ligtas na Pamayanan: Pagpapatibay ng mga Programa sa Pag-iwas sa Krimen sa ilalim ng Community Service-Oriented Policing (CSOP) System.”
Mitambong sa kalihokan si Atty. Maximo Lasaca I, Regional Director sa NAPOLCOM 7, isip main guest speaker, uban nila si Argao Mayor Allan Sesaldo, PCOL Kimberly Molitas sa RCADD, ug uban pang mga opisyal gikan sa kapulisan, BJMP, DepEd, DSWD, ug estudyante sa Argao National High School. Gipasiugda sa kalihokan ang Pledge of Commitment ug sabayang pagpahuyop sa pito, simbolo sa panaghiusa alang sa kalinaw ug seguridad sa rehiyon.
Sa mensahe ni PBGEN Redrico A. Maranan, Regional Director sa PRO7, iyang ipasabot nga dili lang kapulisan ang responsable sa pagpugong sa krimen, kundili tanang katawhan.
Ang tibuok semana sa NCPW dugangan pa og lain-laing kalihokan sama sa crime prevention drives, drug awareness campaigns, ug cybercrime prevention nga ipahigayon sa lain-laing ahensya aron mas mapalambo ang kahibalo ug pagtinabangay batok krimen.
Source: PRO7-PIO
I via Renante Socia Lada