Nakalas ang usa ka lalaki human gipusil sulod sa iyang gipuy-an sa Lily Compound, Barangay Biasong, Talisay City sa gabii sa Hulyo 21, 2025.
Ang biktima giila nga si Frecar Ramas, 45 anyos, lumad sa Ermita, Cebu City, apan kasamtangang nagpuyo isip boarder sa maong compound.
Sumala sa inisyal nga imbestigasyon sa kapulisan, upat ka armadong lalaki ang miabot sa compound alas 11:41 sa gabii ug nangita kang Ramas. Pagkabalo sa iyang kwarto, ilang gisulod ug gipusil siya og lima ka higayon na maoy hinungdan sa iyang kamatayon.
Gipadayon pa karon ang imbestigasyon sa kapulisan samtang ang SOCO nagproseso sa ebidensya. Wala pa mahibal-i ang motibo sa krimen ug ang mga suspek padayon nga gipanukiduki.
I via Renante Socia Lada