Naligo sa kaugalingong dugo ang usa ka lalaki human gipusil sa riding in tandem sa tapad mismo sa iyang motorsiklo.
Didto kini nahitabo sa Purok Sambag Centro, Barangay San Vicente, lungsod sa Liloan, Sugbo, pasado alas 10:35 sa buntag, Agosto 22, 2024.
Ang biktima giila sa Liloan Police Station na mao si Bryan Angtud Rivera, taga Purok Banica, Sitio Sambag, sa mao ra nga Brgy. ug lungsod.
Sa imbestigasyon sa kapulisan nasayran nga samtang naglingkod ang biktima sa iyang motorsiklo niabot ang duha ka mga lalaki nga luwan sa motorsiklo dayon pusil kaniya sa unom ka higayon na maoy hinungdan sa iyang kamatayon.
Ang kapulisan nagsubay karon na posibling kalambigitan sa ginadiling drugas maoy motibo sa maong krimin. (Renante Lada and Ting Joe Pepito)