Isip pagpalig-on sa seguridad sa umaabot Pasigarbo sa Sugbo 2024, ang Police Regional Office (PRO) nilusad og aggressive simultaneous anti-criminality operations sugod niadtong Agosto 19 hangtod 21, 2024, diin 320 ka mga suspetsado ang ilang nasikop sa tibuok Central Visayas.
Kini nga mga operasyon nagpasiugda sa pagkasikop sa 85 ka mga tigpayuhot og drugas ug pagkasakmit sa 581.21 gramos sa ilegal nga drugas nga adunay standard drug value nga PhP3,952,228.00 uban sa ubang mga drug paraphernalia.
Gihingusgan usab sa PRO ang ilang police operations batok sa loose firearms nga niresulta sa kinatibuk-ang pagkarekober sa 111 ka unregistered firearms nga makapugong sa dugang insidente sa pagpamusil sa rehiyon ilabi na atol sa umaabot na kalihukan.
Si Regional Director PBGEN ANTHONY A ABERIN, namahayag nga bisan og walay nabantayan nga mga hulga apan dili ibaliwala sa PRO 7 ang mga posibilidad nga ang mga kriminal nga elemento mahimong mopahimulos ug adunay mga contingency plans.
“These operations are intentionally launched to pave way for a secure landscape for the Pasigarbo sa Subo 2024. We assure everyone that our comprehensive security is already in place and security forces will be deployed strategically across Central Visayas to prevent the occurrence of major crimes ”, dugang ni PBGen Aberin.
Sa pagkakaron ang suspetsado gitanggong na sa kapulisan samtang giandam na ang tukmang kaso batok kaniya. (Renante Lada and Ting Joe Pepito)
(Source: PRO-7)