Usa ka 29-anyos nga lalaki ang napusilan ug namatay human lamang mopalit ug soft drinks sa usa ka tindahan sa Sitio Khinner, Barangay Poblacion, Toledo City, pasado alas-2 sa kadlawon, Pebrero 25, 2025.
Ang biktima, giila nga si Roque Fernandez Cabillo, residente sa maong dapit, nagmotor padulong sa tindahan sa dihang kalit siyang gipusil sa wala mailhing suspek. Tungod sa samad pinusilan, wala na siya ma agwanta ug nakalas.
Padayon pa ang imbestigasyon sa kapulisan aron matino ang motibo sa krimen ug mailhan ang responsable sa maong pagpamusil patay.
📸 Toledo City Police Station
I via Renante Socia Lada