Sikop sa gihimong anti-illegal gambling operation ang 4 ka indibidwal,pasado alas 7:00 ang takna sa kagabhion Pebrero 23,2025, didto sa Sanchez, Labason, Zamboanga del Norte.
Nailhan ang mga dinakpan nga nagpangidaron ug 25, 18, 54, ug 18-anyos pulos mga mangingisda, kinsa nadakpan tungod sa ilegal nga sugal nga “Tong-its”.
Ang pagkasikop gihimo pinaagi sa Labason MPS ug narekober ang usa ka set sa playing cards ug bet money nga nagkantidad ug P503.00 ka pesos.
Ang mga dinakpan gipahibalo sa ilang mga katungod sa wala pa gidala alang sa medikal nga eksaminasyon sa Labason District Hospital ug pagkahuman gitanggong sa Labason Lock-up Cell alang sa tukma nga disposisyon.(Medalyn U. Borja)
Source: ZNPPO