Nadakpan sa mga sakop sa Regional Highway Patrol Unit 7 (HPG-7) ang 54-anyos nga si Jessica Suan Sanchez sa iyang balay sa Barangay San Miguel, Cordova, sa nakalabay na adlaw. Siya gipasanginlang may kalambigitan sa daghang kaso, lakip ang murder ug carnapping.
Ang warrant of arrest batok kaniya giluwatan sa korte sa Bogo City. Sumala sa kapulisan, si Sanchez maoy nagmaneho sa sakyanang gigamit sa pagpamusil sa usa ka barangay konsehal sa Bogo City niadtong Septembre 2024.
Dugang pa, siya aduna pay laing mga kaso nga pending, sama sa illegal recruitment ug paglapas sa Anti-Fencing Law.
Ang mga otoridad nagpadayon sa ilang imbestigasyon ug nag-awhag sa ubang posibleng biktima nga moatubang sa korte aron ipasaka ang ilang reklamo.
📸 HPG-7
I via Renante Socia Lada