Nag buy-od nga wala nay kinabuhi tapad sa motorsiklo ang usa ka lalaki nga gipusil sa makadaghang higayon.
Didto kini nahitabo sa barangay Cogon Pardo, dakbayan sa Sugbo, pasado alas 8:00 sa gabii, Agosto 23, 2024.
Ang biktima giila sa Inayawan Police Station na mao si Nestor Abellanosa Tabacon Jr. 41 anyos ang panuigon, residenti sa Sitio All Season 3, sa mao ra nga barangay.
Sa imbestigasyon sa kapulisan nasayran nga giduol sa wala naila nga lalaki ang biktima ug sa way daghang storya gipusil kini sa makadaghang higayon na maoy hinungdan sa iyang kamatayon.
Sa pagkakaron padayon ang imbestigasyon sa kapulisan sa maong pagpamusil og gisubay usab ang mga CCTV sa maong lugar aron maila ang mamumuno ug matino ang motibo sa maong krimin. (Renante Socia Lada and Ting Joe Pepito)