Ipatuman sa Police Regional Office 7 ang hugot nga seguridad karong adlawa Agosto 25, 2024 atol sa Pasigarbo sa Sugbo 2024.
Didto kini ipahigayon sa Cebu City Sports Center (CCSC) nga salmutan sa 51 ka mga partisipanti nga nagagikan sa mga dakbayan ug kalungsuran sakop sa probinsya sa Sugbo.
Ang mga sakop sa PRO-7, AFP-7, BFP-7, ubang ahensya sa goberno ug mga Force Multipliers ipang deploy sa kadalanan aron mupatuman sa kahapsay og kalinaw.
Ipatuman usab sa kapulisan ang “one entrance, one exit” policy didto sa CCSC aron mapatuman ang han-ay ug hapsay nga Pasigarbo sa Sugbo.
Sayo palang karong buntag daghan na nga mga pulis ang nagbantay sa palibot ug kadalanan.
Awhag sa kapulisan ngadto sa publiko nga mo kooperar kanila ug mutaho kung adunay mga dautang elemento nga magsinamok sa maong kalihukan. (Renante Socia Lada)