Sa adlaw nga Domingo Agosto 25, 2024 hinuon ang Pasigarbo sa Sugbo didto sa Cebu City Sports Center. “Kani atong Pasigarbo there is no fitting venue to host and to hold it but in the capital of Cebu—Cebu City.
And we are proud and honored that finally Pasigarbo is back to where it belongs.” Kana maoy ang gisulti ni Cebu City Acting Mayor Raymond Alvin Garcia sa “Final Coordination Meeting” sa Pasigarbo sa Sugbo, nga gipatawag ni Gobernador Gwen Garcia kagabii, Agusto 23, 2024. Gipasaligan ni Acting Mayor Garcia ang iyang iyaan nga gobernadora sa suporta sa Kagamhanan sa Dakbayan, ilabi na pipila kamga departamento nga nitrabaho adlaw ug gabii sa pagpangandam aron mahan-ay ang tanan alang sa kalampusan sa Pasigarbo sa Sugbo. “We are very supportive Gov and we are one with the Province of Cebu in hosting this Pasigarbo and we know it will always show the unity between the City of Cebu and the Province of Cebu.
So, here’s to the success of the Pasigarbo sa Sugbo,” pulong niya. Ingon ni Acting Mayor Garcia, nga dako sab kaayo ang responsibilidad sa dakbayan, sama sa giandam nga mga belitting quarters alang sa mga contingents, rota sa street dancing,ug ang ang CCSC, apan kanunay mohatag kaniya og update ang mga tawo nga iyang gipiyalan, sama kang Acting City Administrator Kristine Joyce Batucan. Sa iyang bahin, nipasabot si Gobernador Garcia ngga ang Pasigarbo sa Sugbo usa ra og dili ni sabton nga lahi ang ang Sugboanon sa siyudad ug ang Sugboanon sa probinsya.
“Kung unsay madunggan nila bahin sa…moigon diay ang taga siyudad, ‘Aw, dili man na kay sa probinsya man na.’ Ngano diay, unsa may dugo sa taga-siyudad ikumparar sa dugo sa taga-probinsya? Pareha ra man tingali ning dugoa naglatay-latay sa atong mga kaugatan,” sulti niya. Nidugang si Gobernador Garcia nga angayan sabton nga kun bisan asa man ipahigayon ang Pasigarbo sa Sugbo, nga usa ka dakong kalihokan, magsunod usab niini ang ekonomikanhong kalihokan, nga angay unta ipasalamat sa kung asa kini ipahigayon.
Gipasabot niya mosaka ang halin niadtong ginagmay nga mga negosyo sama sa manindahay og tubig, barbecue, banana cue, ug uban pa, kay dili mahitabo nga dili mogasto sa ilang kaugalingon kwarta ang mga contingents. “Pila ni ka contingents, 200 sa singkwenta y uno.
That’s ten thousand two hundred, ang manayaw lang, ang performers, wa pay labot ang support staff that could number from two hundred moabot na seven hundred o eight hundred,” ingon sa gobernadora. “Kinahanglan man na sila mangaon, mamalit og puso, inasal, sud-an, mouli pa diay nas Alcoy?
Ari diri. Nia na na gastohon sa mga negosyo dinhi sa siyudad,” dugang niya. Gidugang ni Gobernador Garcia nga ang daghan ang nalipay sa paghibalik sa Pasigarbo sa Sugbo sa CCSC, ilabi na kay ang iyang pag-umangkon, si Acting Mayor Garcia, Sugboanon ang kasingkasing ug hunahuna kansang tumong mao lamang gyud ang ang pakighiusa. (Renante Lada)