Nakalas ang Patay ang usa ka construction worker human kini gipusil sa Sitio Lower Calvary, Barangay Apas, alas 11:30 sa gabii, Lunes, Enero 6, 2025.
Ang biktima giila nga si Rico Camay Pepito, 22-anyos, lumad nga taga Barangay Argawanon, San Remegio, apan kasamtangan nga nagpuyo sa Sitio Rotunda, Barangay Banilad, Cebu City.
Matod sa inisyal nga imbestigasyon sa Mabolo Police Station, naglakaw ang biktima padulong sa balay sa iyang uyab dihang kalit lang miabot ang suspetsado nga nailhan sa alyas nga Alfie, residente sa Upper Laguerta, Sitio Tarcom, Barangay Lahug.
Giingong gipusil kini makaduha ka higayon sa luyo sa ulo, hinungdan sa iyang hinanaling kamatayon.
Base sa testimonya sa mga saksi, adunay usa pa ka kauban si Alfie nga nagserbisyo isip lookout. Human sa pagpamusil, dali silang misibat palayo sa lugar.
Ang Mabolo Police Station nagpahigayon na karon og manhunt operation aron madakpan ang mga suspetsado ug mapanubag sa krimen. Samtang gipalawman pa ang imbestigasyon aron masuta kung unsay motibo sa maong krimin. (Renante Socia Lada)